Урьд нь ихэвчлэн “Хүзүүний диск” өвчнөөр  хүнд ажил хийдэг хүмүүс л өвчилдөг гэж ойлгодог байлаа. Харин сүүлийн үед өдөржингөө компьютерийн өмнө суугаад ажилладаг хүмүүс төдийгүй смарт утас, тоглоом олон цагаар тоглож хэрэглэдэг хүмүүс ч хүзүүний диск өвчнөөр өвдөх хандлага ихсэж байна.

Хүзүүний диск нь ерөнхийдөө смарт утас болон компьютерийн хэрэглээ нэмэгдсэнтэй холбоотой үүсч байгаа боловч өдөр тутмын амьдралын буруу  зуршил, буруу хөдөлгөөнөөс болж хэнд ч гэсэн үүсэх магадлалтай  тул анхааран болгоомжлох хэрэгтэй. Хүн амын бараг гуравны нэг нь энэ нэлээд аюултай, нарийн төвөгтэй өвчинтэй байдаг.

Бидний хүзүүний яс шулуун биш С үсэгтэй төстөй хэлбэртэй байдаг.

Гаднаас ирэх доргилт, цочрол нь тархинд шууд нөлөө үзүүлэхгүй байхаар нэгэн төрлийн зөөлөвчийн үүрэг гүйцэтгэж байхын тулд С үсэг шиг хэлбэртэй юм.

Толгойгоо гудайлгах, тонгойх байдлаар удаан байх хөдөлгөөн хийх, эсвэл хүзүү муруй хэлбэртэй болсон бол хүзүүний ясанд өгөгдөх ачаалал маш их болж, яс болон булчин, холбоос зэрэгт өвчин аажим аажмаар үүсэх болно.

Тэгвэл ямар хүчин зүйлс хүзүүний диск үүсэх шалтгаан болдог вэ? 

Ямар ямар буруу зуршил байдаг вэ?

• Амрах үедээ гэртээ тухлан доош харж хэвтээд ном унших юмуу, зурагт үздэг хүмүүс их байдаг.
• Гэвч ийм байдлаар удаан хэвтвэл хүзүүний эргэн тойронд байдаг булчингууд хатуурч хүзүүний эрүүл мэндэд муугаар нөлөөлөх болдог.
• Ялангуяа энэ байрлал нь хүзүү төдийгүй мөрөнд хүртэл ачаалал өгдөг учраас нуруугаа тэнийлгэн суугаад хараандаа тохируулж ном унших юмуу нотебүүк харах нь сайн.
• Бас метро юмуу автобусанд суухдаа хүмүүс ихэвчлэн толгойгоо гудайлган утсаа ширтэх болдог зуршил нь хүзүүний диск үүсэх өндөр шалтгаан болох магадлалтай.
• Тонгойж суух байрлал нь хүзүүнд ачаалал өгөн зөв суух үед хүлээн авдгаас яг 6 дахин илүү ачаалал хүзүүнд өгдөг байна.
• Үүнээс гадна өндөр дэр хэрэглэх нь бас хүзүүний диск үүсэх шалтгаан тул болгоомжлох хэрэгтэй.

Энэ нь хүзүүний ясанд өөрчлөлт үүсгэн, булчин болон холбоос зэргийг хурдан хөгшрүүлэх шалтгаан болдог. Дэрээ сонгохдоо хүзүүндээ таарч тохирсон, хэт өндөр биш аль болох намхан дэр сонгох нь чухал байдаг.

Бас карт түрийвч, хүнд зүүлт хүзүүнд зүүх нь хүзүүний диск үүсгэх шалтгаан болдог.

Хүзүүний дисктэй болхоос сэргийлхийн тулд смарт утас хэрэглэхдээ харааныхаа түвшинд  тааруулж  хэрэглэх зуршилтай болох нь сайн.

Өнөөдөр бидний амьдарч байгаа нийгэмд  смарт утас болон компьютер ер хэрэглэхгүй байх нь бараг боломжгүй тул, болж өгвөл зөв байрлалаар  хэрэглэх дадалтай болох нь хамгийн чухал гэдгийг санах хэрэгтэй.

НУГАЛАМ ХООРОНДЫН ЖИЙРГЭВЧИЙН ИВЭРХИЙ

Эмнэл зүйн практикт нугалмын жийргэвчийн доторх гель хэлбэрийн бүтэц фиброзон цагаригийн урагдсан хэсгээс цааш 5-6 мм-ээс дээш давж бүлтийхийг ихэвчлэн ивэрхий гэж нэрлэдэг.

НУГАЛАМ ХООРОНДЫН ЖИЙРГЭВЧИЙН ЦҮЛХИЙЛТ

Нурууны диск нь гаднын хүчтэй доргилт, буруу суух, зогсох, хэт ачаалал өгөх зэргээс болж гэмтэл аван гадагшаа цүлхийн гарч нугасны хажууд буй мэдрэлийн сувгийг даран, бүсэлхий нурууны өвчинг үүсгэж, өгзөг, гуя, хөл дагаж өвдөх зэрэг мэдрэлийн эмгэгийг бий болгодог өвчнийг нугалам хоорондын жийргэвчийн цүлхийлт гэж нэрлэдэг. Нас ахих тусам нугалам хоорондын жийргэвчийн уян хатан чанар алдагддаг учир огцом ширүүн хөдөлгөөнт гэмтэх нь хялбар болдог.

Нугалам хоорондын жийргэвчийн гэмтлийн хэлбэрүүд.

Нугалмуудын хооронд орших жийргэвчний бүрэн бүтэн байдал алдагддаг хэд хэдэн өөрчлөлт байдаг.

• Жийргэвч шохойжин бүтцийн /дегенератив/ өөрчлөлт бий болох
• Жийргэвчний өндөр намсах
• Жийргэвч шахагдан цүлхийлт үүссэнээс нурууны мэдрэл дарагдах, шахагдах
• Жийргэвчийн фиброзон цагариг урагдсанаас ивэрхий үүсэх

Мөгөөрсөн жийргэвчийн ивэрхий нь ихэвчлэн хүзүү болон нурууны бүсэлхийнд байдаг, учир нь эдгээр нь биеийн хамгийн хөдөлгөөнт хэсгүүд юм. Үе мөчний мэдээ алдалт, ууц чилэх, хөших, нуруу гэнэт татах, түнхээр хатгаж өвдөх, өвдөлт доошлон гуяны ар урд тал, тахим, шилбэ, гуяны гадна хажуу, дотор хажуу дагуу, шилбэ, тавхай, өсгий, хөлийн өлмий, хөлийн хуруу руу дамжин өвдөх, өвдөлт нь явах, ханиалгах, найтаах, дүлэх үед нэмэгдэх, тавхай, хөлийн хурууны хүч суларч тавхайн гадна, мөн гуя, шилбэний гадна дотно талаар өнгөц мэдрэхүй алдагдах, бадайрах, булчин зангирах, шөрмөс татах нь нугалам хоорондын ивэрхийн тодорхой шинж тэмдэг юм.

Өвчин хүндэрсэн тохиолдолд мэс засал хийх шаардлагатай. Хэрэв та өвчнөөс урьдчилан сэргийлэх талаар цаг тухайд нь анхаарч чадвал маш ухаалаг алхам болох болно. Та аль болох хурдан арга хэмжээ авч эхлэх тусам нугалам хоорондын ивэрхийг мэс засалгүйгээр эмчлэх нь илүү хурдан бөгөөд хялбар болно.

Эхний үед өөрчлөлт багатай байвал уламжлалт болон эмийн эмчилгээнд амархан сайжрах боловч цүлхийлт ивэрхий үүсээд их удсан үед бариа заслын аргаар бус мэс заслын аргаар эмчлэгдэх хүртлээ хүндэрсэн байх нь элбэг.

Ардын аргаар нугаламын ивэрхийг эмчлэх арга

НАЙРЛАГА

• 100 гр улаан шавар нунтаг
• 200 мл алимны цуу
• 2-3 цагаан байцаа навч

ХЭРЭГЛЭЭ

1. Шавараа зуурмаг болох хүртэл цуутай холино.
2. Хольцтой савыг халуун усанд хийнэ. Шавар халах тусам наалдамхай болно.
3. Холимогийг галаас аваад хэдэн минутын турш хөргөнө.
4. Энэ хольцоо өвдсөн газартаа тарааж түрхээд, дээр нь байцааны навчаа тавина.
5. Өөрийгөө алчуураар ороож, өвдөлт бүрэн арилах хүртэл хүлээгээрэй.

Улаан шавар нь их хэмжээний зэс агуулдаг бөгөөд энэ нь эд эсийн цусны эргэлтийг сайжруулдаг. Байцаа, цуу нь өртсөн хэсгийн үрэвсэл, хавдар, өвдөлтийг бууруулдаг.

Нуруу, нугалам завсрын мөгөөрсөн жийргэвтэрт анхаарал тавьж, амьдралынхаа туршид зөв зуршилтай бай. Сунгах, йог зэрэг биеийн тамирын дасгалууд нь нурууг уян хатан байлгахад тусалдаг. Усанд сэлэх, гимнастик хийх – та нурууны асуудлаа мартаж, нуруугаа удаан хугацаанд эрүүл байлгах болно.

Үүнээс гадна, ивэрхийн эрүүл хоол хүнс дээр тулгуурлана: исгэлэн сүүн бүтээгдэхүүн, зуслангийн бяслаг, далайн ургамал, хүнсний ногоо, жимс жимсгэнэ, хатаасан жимс, зөгийн бал, үр тариа.

Өдөрт дор хаяж 1.5 литр ус уух нь маш чухал юм. Тиймээс та бие махбод дахь шингэний хэмжээг хэвийн хэмжээнд байлгаж, стрессийн дараа өөрийгөө сэргээх болно.

Хэрэв та нугалам хоорондын ивэрхийтэй бол асуудлыг ганцаараа шийдэж болохгүй. Сэтгэгдэл хэсэгт асуудлынхаа талаар бидэнд хэлээрэй. Уншигчдын дунд өвчнийг даван туулахад туслах батлагдсан, найдвартай, үр дүнтэй арга хэрэгслийг мэддэг хүмүүс байдаг нь лавтай. Энэ нийтлэлийг найзуудтайгаа хуваалцаарай!