Үс тань унаж таныг зовоогоод байна уу? Үc уналтыг ЗОГСООХ 5 төрлийн ӨНДӨГНИЙ МАСК

Үс тань унаж таныг зовоогоод байна уу? Энэхүү уургаар баялаг тэжээлийн маск нь намирсан өтгөн үстэй болоход тусална. Үүгээр ч зогсохгүй 2-хон ширхэг өндгөөр үсээ хэрхэн гялалзсан сайхан өнгөтэй болгож, хурдан ургуулж болох аргуудтай хамтдаа танилцацгаая.

1.Үсийг бат бөх болгох маск

Үсний ширхэг нь тодорхой хэмжээний уургийг өөртөө агуулдаг. Тиймээс өндгөнд агуулагддаг уургаар үснийхээ уургийг нөхөж, бат бөх үстэй болох боломжтой. Мөн өндөг нь Д витаминаар баялаг тул хуйханд тэжээл өгч, үсийг хурдан ургахад тусладаг.

Найрлага:

2 ширхэг өндөг (Хэрвээ таны үс урт, өтгөн бол үүнээс олныг хэрэглэж болно)

Өндгөө хооронд нь хольж сайтар хутгаад, хуйхандаа түрхэнэ. 30 минутын дараа үсээ угаана.

2.Өндөг + гааны навч = Өтгөн үс

Үс тань унаад байгаа бол энэхүү маскыг хэрэглээрэй. Уг маск нь хуйхны үрэвслийг дарж, цусны эргэлтийг сайжруулснаар үс уналтыг зогсоож, ургуулах ид шидтэй юм.

Найрлага:

  • 2 ширхэг өндөг
  • Гааны навчнаас гаргаж авсан тос 6 дусал

Өндгөө хутгаад, 6 дусал тосоо нэмнэ. Хооронд нь маш сайн холиод хуйхандаа массажлана. 30 минутын дараа үсээ угаана.

3.Өндөг + лаванда цэцэг = Урт үс

Лаванда цэцгийн ханд нь хуйхыг маш сайн цэвэрлэж, хагийг арилгаж, үсний ургалтыг идэвхижүүлж, уутанцарыг нөхөн сэргээдэг.

Найрлага:

  • 2 ширхэг өндөг
  • Лаванда цэцгийн ханд 6 дусал

Өндгөө хутгаад, 6 дусал хандаа нэмэн сайтар холино. Хуйхандаа түрхээд, 30 минутын дараа угаана.

4.Өндөг + тараг = Гялалзсан үс

Цэвэр тараг нь хуурай, өвчилсөн үсний ширхэгийг нөхөн сэргээж, гялалзсан өнгөтэй болгодог.

Найрлага:

  • 1 ширхэг өндөг
  • 2 амны халбага органик тараг

Өндгөө хутгаж, тарагаа нэмээд сайтар холино. Энэхүү бэлдэцээ хуйхандаа түрхээд, 30 минутын дараа угаана.

5.Өндөг + авакадо = Намирсан үс

Хаан жимс буюу авакадо нь үсний ургалтыг дэмждэг байна. Мөн нөхөн сэргээх, үсний уутанцаруудыг гэмтлээс сэргийлэх найрлага бүхий жимс юм.

Найрлага:

  • Бүрэн боловсорсон тал авакадо
  • 1 ширхэг өндөг

Хаан жимсээ нухаж, өндгөө дээр нь хийнэ. Хооронд нь сайтар холиод, хуйхандаа түрхэнэ. 30 минутын дараа угаана.

Leave a Reply

Your email address will not be published. Required fields are marked *

Please reload

Please Wait