Унтахаасаа өмнө ИОГ хийж тайвширлийг мэдэр, нойргүйдлээ үүрд март!

Нойргүйдлийн эсрэг иог

Хүндэт найз минь, хэрэв та над шиг өнгөрсөн шөнө унтаж чадалгүй ажил дээрээ жинхэнэ харгис өдрийг өнгөрүүлэн, зүгээр л явж байхдаа унтаж байгаа бол бүү цөхөр – чи ганцаараа биш! Сэтгэлзүйн судалгаанаас үзэхэд дэлхий даяар сая сая хүмүүс нойргүйдэлээс болж зовж шаналж байна.

Эрдэмтэд орой унтах зуршлаас гадна кофеин их хэмжээгээр уух нь нойргүйдэх гол шалтгаан болдог гэдгийг тогтоожээ.

Шөнөдөө сэрүүн байх ажил, эрүүл мэнд, гэр бүлийн талаарх өдөр тутмын санаа зовоосон байдлаас хэрхэн ангижрах вэ? Арга зам бий! Судалгаанаас үзэхэд йогийн дасгалыг оюуны, сэтгэл санааны болон бие махбодийн үйл ажиллагаатай уялдуулан хийхэд таны унтах чанарт эерэг нөлөө үзүүлж чадна. Үүнээс гадна эрдэмтэд дээрх байдлаар дасгал хийх нь унтах чанарыг сайжруулаад зогсохгүй түүний үргэлжлэх хугацаанд эерэг нөлөө үзүүлдэг гэж зөвлөж байна.

Эдгээр дасгалууд нь янз бүрийн нойрны эмнээс хамааралтай хүмүүст уг хор хөнөөлтэй хэрэглээнээсээ ангижрахад туслах болно.

Өнөө үед йог урьд өмнө байгаагүй их алдартай болсон тул та йог хийхэд тохиромжтой клуб олоход хэцүү биш байх болно. Хэрэв та нойргүйдлээс залхаж яаралтай үр дүнд хүрэхийг хүсч байвал яг одоо иогоор хичээллэхэд бэлэн байгаа бол амралт, эрүүл унтахыг дэмждэг 6 дасгалаас бүрдсэн энэхүү хамгийн энгийн дасгалууд нь танд зориулагдсан болно! Та бэлэн үү? Тэгвэл оролдоод үз.

1. Сэргээх маягтай ” Луу ” байрлал

Доошоо харж хэвтээд тохойгоо доогуураа оруулан байрлуулна. Гарынхаа шууг хивсэнцэрийн урд хэсэгтэй паралель байхаар тавь. Баруун гарын шуу зүүн гарын шууны доор байрлах ёстой. Хоёулаа шулуун байхын тулд гараа хөндлөн гаргана уу. Мөрөө сунгахаасаа өмнө гар чинь хүзүүний ясны доор байрласан эсэхийг шалгаарай. Биеийнхээ бүх хэсгийг гарынхаа дээд хэсэгт зөөлөн төвлөрүүл. Нүдээ аниад 10 гүн амьсгаа аваад гаргаарай. Зүүн гарын шуугаа баруун шууны дор байрлуулан нөгөө тал дээр адилхан хийнэ.

2. “Эрвээхэй” байрлал.

Дээш харж хэвтээд гараа алдлан сул тавина. Баруун өвдгөө цээжиндээ нааж, бүх биеэрээ зүүн тийш хазайн нуруугаа цэх байлгана. Энэ байрлалаар 10 удаа удаанаар амьсгал аваад гарга. Нөгөө талдаа давтаж хийгээрэй.

3. “Тагтаа” байрлал

Нуруугаараа хэвтээд хөлөө шалан дээр байрлуулаад 90 ° өнцгөөр нугална. Баруун шагайгаа зүүн өвдөг дээрээ байрлуулаарай. Үүсгэж буй орон зайд баруун гараа оруулж нөгөө гарын хуруутайгаа салаавчлан барина. Аль болох аарцгаараа шал руу түлхэн зүүн өвдөгийг цээж рүүгээ тулган 10 удаа амьсгал авч гаргаад дараа нь баруун өвдөг дээрээ нөгөө талд хийхийг аль болох хичээгээрэй.

4. Сунгах дасгал

Өмнөх байрлалтай адил нуруугаараа хэвтээд баруун хөлөө дээш нь өргөж өөр лүүгээ бөхийлгө. Зүүн хөлөө шалан дээр үлдээнэ. Хөлөө өөр лүүгээ бөхийлгөсөн хэвээр хоёр гараараа хөлөө салаавчлан барина. Зүүн хөлнийхөө өсгийг сунгаж баруун хөлөө аль болох шулуун болгохыг хичээ. Энэ дасгал булчин шөрмөсийг сунгахад илүү үр дүнтэй. 10 удаа удаанаар амьсгал авч гарган дасгалыг нөгөө тал дээр давтана.

5. Оддын байрлал

Энэ дасгалыг суух байрлалд гүйцэтгэдэг. Хоёр хөлөө шулуун жий. Дараа нь хөлөө шаланд хүрч байхаар өвдгөө нугална . Өвдөгнүүдийг хажуу тийш болгон хоёр хөлөө нийлүүлж урагш тонгойн хөлний үзүүрт гараараа хүр. Нурууг дээш тат. Хэрэв та өсгийгөө хөндийрүүлэхгүй духан дээрээ хүрч чаддаг түвшинд хүрвэл өөрийгөө жинхэнэ гуру гэж бодоорой. Энэ байрлалд хэдэн минут зарцуул.

Дахин хэлэхэд: 10 удаа амьсгал аваад амьсгалаа гаргана.

6. ” Суугаа твист” байрлал

Хөлөө завилаад суу. Баруун гараа зүүн өвдөг дээрээ тавь. Гараа тавьсан чиглэлд их биеэ эргүүлэн суу. 10 удаа амьсгаа авч гаргаад эхний байрлал руу буцаж, зүүн гараа баруун өвдөг дээрээ тавин уг дасгалаа давтаж хийнэ.

Санаа зовох хэрэггүй, энэхүү энгийн дасгал нь танд их цаг хугацаа шаардахгүй. Унтахаасаа өмнө хийгээд сэтгэлийн түгшүүртэй бодлуудаас ангижран, сайхан унтаж амрахад тусална.

Иог хийж, нойргүйдэлээ үүрд март! Нойргүйдлийн эсрэг ийм энгийн аргуудын талаар мэдэх нь танд ашигтай байсан бол энэ хэрэгтэй мэдээллийг бусад хүмүүстэй хуваалцаарай.

Leave a Reply

Your email address will not be published. Required fields are marked *

Please reload

Please Wait