Унтахаасаа өмнө бүлээн усанд 20 мунут суувал олон төрлийн өвчнөөс ангижруулна

Америкчуудын өргөн хэрэглэдэг /бүлээн усанд орж/ эрүүл мэндэд тустай энгийн атлаа үр дүнтэй дараах зургаан жорыг санал болгоё. Энэхүү эмчилгээний үр дүнд шулуун гэдэс болоод үтрээний өвчнөөс сэргийлж, цусны эргэлт сайжирах болно.  Гэрийн нөхцөлд өөрийгөө анагаах эдгээр жорыг та хэрэглэж эрүүл мэнддээ анхаарал тавиарай.

Гамамелион цэцэг

Гамамелион цэцэг (Witch Hazel) нь Хятад, Япон зэрэг орнуудад түгээмэл ургадаг ургамал бөгөөд үүгээр төрөл бүрийн бэлдмэл, тос зэргийг хийдэг. Та бүлээн усанд хоёр цайны халбага оливын тос, хоёр цайны халбага гамамелионы ханд хийгээд, түмпэнтэй усандаа 10-15 минут суугаарай. Ингэснээр таны өтгөн хатахгүйн дээр шамбарамаас сэргийлнэ.

Нэрс

Хэрвээ та шамбарамтай бол дараах зааврыг дагаарай. Нэг аяга буцалсан усанд хоёр цайны халбагаар нэрс хийж хутгаад 20 минут байлга. Дараа нь найруулсан хандаа бүлээн усанд хийгээд 15-20 минут дотор нь суугаарай.

Эмийн ургамал

Энэ зөвлөгөөг эмэгтэйчүүдэд зориулъя. Бүсгүй та үтрээний ариун цэвэр, эрүүл ахуйг сахихыг хүсвэл балжингарамын ханд хоёр аяга, розмарин цэцгийн навч хоёр ширхэг, төлөгч өвсний ханд нэг аяга, лаванда цэцгийн тос нэг аяга, хумсан цэцэгний тос нэг аягыг бүлээн усанд хийгээд дотор нь дор хаяж 20 минут суугаарай. Ингэснээр та үтрээний үрэвсэл, хорт хавдар, цестит зэрэг өвчнөөс урьдчилан сэргийлэх болно.

Хүнсний сода

Нэг аяга хүнсний содатай усанд сууснаар шулуун гэдэсний үрэвсэл, хорт хавдар зэрэг өвчнөөс сэргийлж чадна.

Эпсом давс

Эпсом давс буюу магнийн сульфат нь та бидний хэрэглэдэг усанд ордог давсны түүхий эд юм. Эпсом давсыг хоёр хоолны халбагыг бүлээн усанд хийж суух юм бол шулуун гэдэсний төрөл бүрийн өвчнөөс та сэргийлэх болно.

Цайны модны тос

Цайны модны тос нь дорно дахинд нэлээд өргөн тархсан эмийн орц юм. Үүнийг ходоод, шулуун гэдэсний өвчлөлийг анаагахад түлхүү ашигладаг. Хэрвээ та энгийн аргаар шулуун гэдэсний өвчнөөс сэргийлэхийг хүсэж байвал нэг цайны халбага цайны модны тос, нэг хоолны халбага балжингарамын хандтай хольж бүлээн усанд хийгээд дотор нь суугаарай.

Leave a Reply

Your email address will not be published. Required fields are marked *

Please reload

Please Wait