Эдгээр дасгалыг хийгээд МАРТАМХАЙ салан задгай зангаасаа салаарай

Танд ямар нэгэн эм тариа, элдэв эмчилгээ шаардлагагүйгээр өөрийнхөө зуршил болсон өвчнөөс салах шилдэг дасгалуудыг хүргэж байна. Та ажлын өндөр ачаалал хийгээд удаа дараагийн үргэлжилсэн баяр ёслол нь таныг маш ихээр стресст оруулдаг. Та үүнээсээ болж хэнд ч анзаарагдахгүйгээр биеийн эсэргүүцэл аажмаар суларч, өвчин ороох болдог. Үүнийг ямар нэгэн эм тариа, эмчээр эмчлүүлж болно гэж бодоход үүнээс үүдсэн салан задгай байдал, мартамхай зангаасаа хэрхэн салах эсэх нь таны өөрөөсөө шалтгаалах хэрэг болоод байна.

1 .АНХААРЛАА ТӨВЛӨРҮҮЛЭХ ДАСГАЛ

Та А4 хэмжээтэй цаасны төв хэсэгт 1-2 см диаметртэй битүү хар өнгийн тойрог зур. Зурж болохгүй бол хар өнгийн цаас хайчлаад наачих. Үүний дараа завилж, эсвэл сандал дээр сууна. Суух үед нуруу дагз нь нэгэн шугамд цэх байх бөгөөд гараа өвдгөн дээрээ сул тавин амьсгал ердийн үеийнх шиг тайван байна. Үүний дараа сууж байгаа газраасаа 1,5-2 метрийн цаана нүдний төвшинд байрлуулна.

Үүний дараа хар цэгэн дээр бүх анхаарлаа төвлөрүүл. Бүх бодлоо хаяад өөр зүйлд сатааралгүйгээр зүгээр л хар цэгийг ширт. Биеэ суллаж нүдээ анивчихгүй байхыг хичээ. Энэхүү дасгалыг хийх үед эддэв сатаарах зүйл байхгүй байвал нэн сайн. Эхний үед харцаа хар цэгдээр хөдөлгөөнгүй барь. Энэхүү дасгалыг хоёроос гурван минут нүд цавчилгүй ширт. Эхний үед нүд чилэх, нулимс цийлэгнэх байдал илрэвч аяндаа зүгээр болно.

2.АНХААРЛЫН ХЭМНЭЛИЙГ САЙЖРУУЛАХ ДАСГАЛ

Өөртөө эвтэй байдалд сууж, эсвэл хэвтээд баруун эсвэл зүүн гарынхаа сарвууг ширтэнэ. Ширтэхдээ сарвууныхаа мм бүрийн нарийн ширийнийг алдалгүй мэдэрч ширтэх хэрэгтэй. Нүдээ бол анивчиж болно. Ингэхэд анхаарлыг чинь өөр зүйл өөрийн эрхгүй татаад байвал ахин сарвуун дээрээ анхаарлаа төвлөрүүл. Дараагийн удаад дасгалаа хийхдээ сарвуугаа өөр байрлалаас ширтэх хэрэгтэй.

З.УРГУУЛАН ДҮРСЛЭХ БА АРЧИХ ДАСГАЛ

Өөрт чинь таалагддаг, эсвэл ямар нэг сэтгэгдэл төрүүлдэггүй жижиг эд зүйл байх шаардлагатай. Тухайн зүйлийг таваас зургаан секунд тасралтгүй ширтэх бөгөөд зураг авч байгаа мэт нарийн зүйлсийг сайтар ажигла. Дараа нь амьсгалаа барингаа өнөөх ажигласан зүйлээ гурваас таван секундийн турш эд зүйлийнхээ тухай нэг төрлийг толгойдоо төсөөл. Үүнийг таваас долоон удаа давтахаас эхлээд бүр. 50 хүртэл хийх юм бол аяндаа өөрийнхөө хүслээр бодолдоо дүрслэл бий болгож мөн өөрийнхөө хүссэнээр арилгаж чаддаг болно. Дасгалыг өдөрт хоёроос доошгүй 10-15 минутаар хийнэ. Харин энэхүү дасгалыг хийж байх үед таны толгойд ямар нэгэн бодолгүй хов хоосон байх шаардлагатай.

4. УРГУУЛАН ДҮРСЛЭХ БА ТОГТООН БАРИХ ДАСГАЛ

Аливаа зүйлийг бодолгүйгээр ямар нэгэн зүйлийг ч юм уу, эсвэл биеийнхээ нэг хэсгийг сайтар ажигла. Дараа нь гурваас дөрвөн минут орчим нүдээ аниад харсан зүйлээ бодолдоо аль болох хурц тодоор дүрсэл. Ингэж та эд зүйлсийг өөртөө тодорхойж сурахын зэрэгцээ мартамхай салан зангаасаа салж чадах юм байна.

Жич: Та эдгээр дасгалуудыг зааврын дагуу өдөр алгасалгүй хийхийң бол мартамхай салан задгай зангаасаа салах магадлал өндөр байна. Хичээгээд үзээрэй. Энэхүү дасгал нь эртний Энэтхэгээс үүсэлтэй бөгөөд өнөөдрийг хүртэл үнэ цэнэтэй хэвээр байгаа ажээ.

Leave a Reply

Your email address will not be published. Required fields are marked *