Халуурах нь бие махбодь тухайн нян вирусын эсрэг үзүүлэх хариу урвал юм. Энэ үед бие зарайх, чичрэх, арьс цайж шар үс өрвийх, гар хөл хүйтэн, даарах бага насны хүүхэд уйлж тавгүйтэх, эрүү чичрэх, гар хөл салганах зэрэг шинж илэрдэг. Үүнийг эцэг эхчүүд ажигладаггүй өнгөрдөг бөгөөд зарим хүүхдийн нүд сөлийж гар хөл чангарч таталтын шинж илэрдэг.

Халууралтын эхэн үед эдгээр шинж илрэхэд эцэг эхчүүд хүүхдэдээ халуун бүлээн шингэн уулгаж, дулаан хувцаслах, халуун бигнүүр тавих, хөл гарыг дулаацуулах зэрэг арга хэмжээг авна. Энэ үед биеийн халуун ихэвчлэн 39 хэм хүрээгүй байдаг учир халуун бууруулах эм, лаа хэрэглэх нь чухал.

Таны хүүхэд халуурах болгонд таталтын шинжүүд илэрдэг бол хүүхдийн мэдрэлийн эмчид хандаж, тархины цахилгаан бичлэг хийлгээрэй. Халууралтын үед амьсгаадна, зүрхний цохилт олширно, арьс улайж, хөлөрнө.

Зарим хүүхэд дэмийрч хий зүйл харах, шээс ховордох, шүлс өтгөрч ам цангах, толгой өвдөх, биеийн халуун өмнөхөөс 0.5-1 хэмээр нэмэгдсэн байдаг. Энэ үед халуун бууруулах лаа, эмийг нэмж хэрэглэхгүй. Хувцсыг тайлж хөнгөлөх, хүйтэн жин толгойд тавих, суга цавь зэрэг нимгэн арьстай хэсгийг спирт, архи, хүйтэн усаар арчих, шингэн зүйл их хэмжээгээр уулгана.

Халуун буурах үед дээрх бүх зовиур арилсан хүүхдийн орчны харьцаа хэвийн сэргэлэн цовоо болсон байдаг. Энэ үед чийгтэй хувцсыг сольж, хангалттай хооллох хэрэгтэй. Ханиад шуухниа хүрсэн үед хүүхдэд эхний гурав хоногт халуун бууруулах эмийг тогтмол цагаар уулгаж, асаргаа, хооллолтыг эрүүл үеийнхээс илүү анхаарах хэрэгтэй

Зөвлөгөө: Анагаах ханд 20 дусал зөгийн цавууг/прополис/ хагас стакан халуун сүүнд хийнэ (хэрвээ сүүнд харшилтай бол багахан сүү байсан ч болно, нэг хоолны халбага). Уг бэлдмэл нь ханиад томуу, уушгины өвчнийг анагаана, биеийн ерөнхий байдлыг сэргээж тайвшруулна. 10%-ийн зөгийн цавууг эмийн сангуудаар зардаг. 25 мл-ыг авлаа гэхэд та маш удаан хэрэглэнэ. Унтахаасаа өмнө уг бэлдмэлийг ууна. Бие засаад, шүдээ угаагаад, унтлагын хувцсаа өмсөөд орондоо ороод унтахаасаа өмнө шүү. Хүүхэд уг бэлдмэлээс нэг уугаад л ханиад наашилж ирнэ. Хүүхдээ цэцэрлэгээс аваад ажиглаад байхад өвдөх гээд байна уу даа гэж сэжиглэвэл унтахаас нь өмнө бэлдмэлээсээ багаханыг л өгнө – өглөө сэрэхэд хүүхэд тань хамаагүй сэргэлэн цовоо эрүүл босож ирнэ.

Зөгийн цавууны бэлдмэл /прополис/ нь вирусын гаралтай өвчнийг анагаана: бронхит, уушгины хатгаа, туберкулез. Би өөрөө уг бэлдмэлийг нэг удаа гэдэсний халдварт өвчин тусахдаа ууж үзсэн юм. Үр дүн нь маш хурдан мэдэгдэж билээ. Ходоодны шархтай л биш бол гэдэс, ходоодны ойр зуур хөнгөн өвчнийг зөгийн цавуутай дусал сүү гайхалтай анагаана. Унтахаасаа өмнө хэдхэн дусал халуун сүүтэй зөгийн цавуу уугаарай.

Нойр булчирхайн үрэвслээр өвчлөөгүй хүмүүс ямар аймшигтай өвчин бэ гэдгийг ойлгохгүй. Уг өвчнийг ферментээр эмчилдэг. Фермент нь нойр булчирхайн үүргийг гүйцэтгэсээр уг эрхтнийг эгнээнээс бараг халж орхино. Харин зөгийн цавуутай халуун сүү – таны аврал болно.