Таны биеийн байдал ямар байгааг илтгэх 10 шинж тэмдгүүд

Мөс зажлах, эсвэл давстай ямар нэгэн зүйл идэх хүсэл төрөх нь бие махбодид ямар нэг асуудал үүсэх эсвэл эрдэс бодис, амин дэм дутагдсаны шинж тэмдэг байж болохыг мэргэжилтнүүд хэлж байна. Ийм учраас хөгжиж буй аливаа шинэ зуршилд, ялангуяа гэнэтийн гэнэтийн гэнэтийн зуршилд анхаарлаа хандуулах нь үргэлж сайн хэрэг юм.

Манай редакцийнхан таны бие урт удаан, аз жаргалтай амьдрахад тань туслах үүднээс дараах заавал мэдэж байвал зохистой зүйлийн жагсаалтыг гаргалаа.

1. Таны хөлд шоргоолж гүйж байгаа мэт мэдрэмж төрөх

Хэрэв таны хөл бадайрах, жирвэгнэх, хөлөө хөдөлгөх гэж хүчлэх гэх мэт хачин мэдрэмжүүд төрж байвал энэ нь ердийн бус хөлний хам шинжийн шинж тэмдэг байж магадгүй юм. Энэхүү эмгэг нь удаан хугацааны туршид үргэлжилж шөнө амрах гэж байхад таагүй мэдрэмж ихэвчлэн тохиолддог.

2. Арьс хуурайшиж хатуурах

Арьсны асуудлыг үл тоомсорлож, дутуу үнэлж болохгүй. Арьс зузаарч, загатнах үед энэ нь дааврын эмгэг, экзем, харшил зэрэг олон төрлийн арьсны асуудлын шинж тэмдэг байж болно. Хэрэв энэ асуудал үргэлжилсээр байвал эсвэл улам даамжирсаар байх юм бол цусны шинжилгээ хийлгэж тодруулах хэрэгтэй.

3. Гар салгалах, үнэр мэдрэхээ болих, хар дарах

Паркинсоны өвчний талаар хүн бүр сонссон байх, гэхдээ түүний шинж тэмдгийг бидний тэр бүр мэддэггүй. Чичирхийлэл, хөдөлгөөний удаашрал, нойр муудах, ярих, бичгийн хэв өөрчлөгдөх нь өвчний шинж тэмдэг болохыг эмч нар анхааруулж байна.

4. Уур уцаартай, түрэмгий зантай болох

Уур уцаартай байдал нь үргэлж таны зан чанарын үр дүн биш юм. Чухамдаа энэ нь сэтгэлийн хямралтай холбоотой байж магадгүй гэж зарим судлаачид хэлдэг. Тэдний үзэж байгаагаар сэтгэлийн хямрал нь зөвхөн  сур дорой хүчгүй байх эсвэл уйтгар гунигт автахаас гадна та түрэмгий зан авиртай болдог байна.

5. Нойр ихтэй болох

Энэ эмгэгийг гиперомноми гэж нэрлэдэг бөгөөд энэ нь зөвхөн ядаргаа биш болохыг эмч нар хэлдэг. Зарим аутоиммун өвчин нь хаа ч хамаагүй унтах хүсэл төрүүлдэг. Мөн унтахаасаа өмнө согтууруулах ундаа уух нь ийм үр дагаварт хүргэж болзошгүй юм.

6. Нүдний өнгөний өөрчлөлт

Хэрэв нүдний эвэрлэгийн эргэн тойронд цагаан эсвэл саарал цагираг байвал 45-аас доош насны хүмүүст холестерины хэмжээ ихсэх шинж тэмдэг байж магадгүй гэж эмч нар анзаарчээ. Энэ цагариг нь өөрөө хоргүй бөгөөд зөвхөн хараанд нөлөөтэй байдаг.

7. Давсанд дурлах

Давстай хоолонд дуртай байх нь хэвийн боловч энэ нь бүүр их хянах боломжгүй болж, давстай хоол таны  цорын ганц идэхийг хүссэн зүйл болох нь асуудал дагуулж байгаа хэрэг юм.  Энэ нь төмрийн дутагдал, цус багадалт, шингэн алдалт эсвэл сарын тэмдгийн өмнөх синдромыг илтгэдэг болохыг эмч мэргэжилтнүүд мэдээлсэн байна.

8. Мартамтгай болох, сульдах, бэлгийн дуршил муудах

Заримдаа хүмүүс маш их ядарч, юм санах эрч хүчгүй болж бүх зүйлээс залхсан юм шиг санагддаг тул үүнийг сэтгэлийн хямралтай андуурдаг. Бие махбод дахь бамбай булчирхайн дааврын асуудлыг илтгэж болох тул ийм эмгэгийг үл тоомсорлож болохгүй. Та бас жин нэмж, амархан даардаг болж магадгүй юм.

9. Үргэлж цангаж байх

Байнга ам цангах нь хэвийн зүйл биш гэж мэргэжилтнүүд хэлэв. Энэ нь таны идэж буй хоолтой холбоотой тохиолдол байдаг тул та хэт их халуун ногоотой эсвэл давслаг бүтээгдэхүүн идэж байгаа эсэхээ шалгаарай. Тасралтгүй цангах нь чихрийн шижин эсвэл жирэмсний шинж тэмдэг байж болно.

10. Мөс зажилмаар санагдах

Мөс зажилмаар санагдах хүслийг амархан тайлбарлаж болох бөгөөд энэ нь зөвхөн зуршил биш байж болох юм. Энэхүү ер бусын хүслийн шалтгаан нь төмрийн дутагдал эсвэл цус багадалт байж болохыг зарим судалгаа харуулж байна. Нэмэлт ууж эхлэх шаардлагатай эсэхээ шалгаж, цусны шинжилгээ хийлгэхийг зөвлөж байна.

Таны биеийн байдал ямар байгааг илтгэж болох өөр ямар шинж тэмдгүүдийн талаар та мэдэх вэ? 

Leave a Reply

Your email address will not be published. Required fields are marked *

Please reload

Please Wait